រឿង គ្រូពេទ្យ ទេវតា

រឿង  គ្រូពេទ្យ ទេវតា

រឿង "គ្រូពេទ្យទេវតា” មានបំណងអប់រំដល់ប្អូនៗ កុមារកុំឱ្យមានចិត្តលោភលន់។ ជាពិសេសជាងនេះទៅ ទៀតជួយអប់រំដល់អ្នកដែលតែងតែប្រើប្រាស់ថ្នាំពេទ្យឱ្យ បានដឹងថា ការប្រើប្រាស់ថ្នាំហួសកំណត់ នឹងធ្វើឱ្យ ប៉ះពាល់ដល់សុខភាព។ ដូចនេះ អ្នកគួរស្ដាប់បង្គាប់នូវ រាល់ពាក្យណែនាំរបស់គ្រូពេទ្យ ។

នៅក្នុងភូមិដ៏ចម្លែកមួយមានស្ត្រីមេម៉ាយកូនមួយ ឈ្មោះមីងកខ្លាំង។ កូនរបស់គាត់ឈ្មោះអា សង្វិត មានអាយុ៣ឆ្នាំ។ កូននោះក៏ចម្លែកទៅទៀត គេ មានមាឌតូចល្អិតជាងកូនអ្នកដទៃ។ រាល់ថ្ងៃគេញ៉ាំ អាហារតិចណាស់។ មីង កម្លាំង ខ្មាសគេជាខ្លាំង ព្រោះកូនរបស់គាត់រូបរាងខុសគេ។ តែទោះជា យ៉ាងណាក៏ដោយ ក៏មីង កខ្លាំង នៅតែស្រឡាញ់ កូនរបស់គាត់ដែរ។

ពេលមីង កខ្លាំង ទៅណាម្ដងៗគាត់តែង នាំកូនប្រុសរបស់គាត់ទៅជាមួយ។ នៅ តាមផ្លូវ អ្នកណាៗក៏ចង់មើលកូននេះ ដែរ។

ថ្ងៃមួយមីង កង បាននាំកូនតូចរបស់ គាត់សំដៅទៅផ្ទះលោកគ្រូពេទ្យម្នាក់ នៅក្នុងភូមិនោះ ដែលអ្នកស្រុកតែងតែ និយមហៅគាត់ថា គ្រូពេទ្យទេវតា។

គ្រូពេទ្យទេវតា ជាគ្រូពេទ្យម្នាក់ដែលព្យាបាលតែជម្ងឺណាដែល ប្លែកពីគេ។ គាត់ពិនិត្យមើលអា សង្វិត រួចក៏ប្រាប់ម្ដាយឱ្យ យកកូនត្រឡប់ទៅផ្ទះវិញជាមួយនឹងដបទទេមួយ។ គ្រូពេទ្យ បានប្រាប់ទៅមីង កង ថា "ពេលទៅដល់ផ្ទះ មីងយកដប នេះទៅច្រកទឹកឆ្អិនចាក់ឱ្យកូនផឹកទៅ ធាត់ដូចកូនអ្នកដទៃទៀតជាក់ជាមិនខាន”។

មីងកម្លាំងសប្បាយចិត្តណាស់។គ្រាន់តែគាត់មកដល់ផ្ទះភ្លាមគាត់ក៏រៀបចំដាំទឹកឱ្យពុះហើយទុកទឹកនោះឱ្យត្រជាក់ទើបច្រកបញ្ចូលក្នុងដបរួចចាក់ទឹកឱ្យកូនគាត់ផឹក។អាសង្វិតផឹកទឹកនោះហើយក៏ធំធាត់បន្តិចម្តងៗ។វាចាប់ផ្តើមចេះឃ្លានអាហារ។មីងកម្លាំងបានឱ្យទឹកដោះគោមួយកំប៉ុងទៅឱ្យកូន

ផឹក។អាសង្វិតផឹកទឹកដោះគោនោះទាល់តែអស់ពីកំប៉ុង។

មីង កខ្លាំង គិតថា កូនរបស់គាត់មិនទាន់ធំល្មម នោះទេ គាត់ក៏ច្រកទឹកចូលទៅក្នុងដបនោះ ឱ្យអា សង្វិត ផឹកទៀត។ បន្ទាប់មកកូនគាត់ កាន់តែធំទៅៗ។ គេក៏ចាប់ផ្តើមយំរកអាហារ បន្ថែមទៀត "ឃ្លានណាស់..."។ មីង កម្លាំង ក៏ទៅដាំបបរមួយឆ្នាំងធំឱ្យកូនគាត់ហូប។ អាសង្វិត ក៏ហូបបបរនោះអស់ទៀត។

មីង កម្លាំងនៅតែគិតថា កូនរបស់គាត់មិនទាន់ធំ សមនឹងចិត្តគាត់ទេ។ ដូច្នេះគាត់ក៏យកដបនោះ ទៅច្រកទឹកមកឱ្យកូនរបស់គាត់ផឹកទៀត។ អា សង្វិត ក៏ផឹកទឹកនោះទាល់តែអស់រលីង។ បន្ទាប់ មកវាកាន់តែធំឡើងៗមិនឈប់សោះ។

មីង កម្លាំងនៅតែគិតថា កូនរបស់គាត់មិនទាន់ធំ សមនឹងចិត្តគាត់ទេ។ ដូច្នេះគាត់ក៏យកដបនោះ ទៅច្រកទឹកមកឱ្យកូនរបស់គាត់ផឹកទៀត។ អា សង្វិត ក៏ផឹកទឹកនោះទាល់តែអស់រលីង។ បន្ទាប់ មកវាកាន់តែធំឡើងៗមិនឈប់សោះ។

ពេលនោះផ្ទះមីង កម្លាំង មិនអាចទប់ទល់ និងទម្ងន់អា សង្វិត បានទេ។ បន្ទាប់មកផ្ទះ របស់គាត់ក៏បាក់គ្រាំង។ អា សង្វិតកាន់តែ ធំទៅៗ។ មីង កម្លាំង ស្រែកឡើង “បាន ហើយៗកូនឈប់ធំទៀតទៅ”។ តែអំណាច ទឹកក្នុងដបនោះនៅតែធ្វើឱ្យកូនរបស់គាត់ កាន់តែធំទៅៗមិនឈប់សោះ វាចេះតែ ស្រែក "ខ្ញុំឃ្លានណាស់ៗ..."។

ពេលនោះផ្ទះមីង កម្លាំង មិនអាចទប់ទល់ និងទម្ងន់អា សង្វិត បានទេ។ បន្ទាប់មកផ្ទះ របស់គាត់ក៏បាក់គ្រាំង។ អា សង្វិតកាន់តែ ធំទៅៗ។ មីង កម្លាំង ស្រែកឡើង “បាន ហើយៗកូនឈប់ធំទៀតទៅ”។ តែអំណាច ទឹកក្នុងដបនោះនៅតែធ្វើឱ្យកូនរបស់គាត់ កាន់តែធំទៅៗមិនឈប់សោះ វាចេះតែ ស្រែក "ខ្ញុំឃ្លានណាស់ៗ..."។

មីង កត្តខ្លាំង ក៏ទៅដាំបាយមួយឆ្នាំង យ៉ាងធំ និងម្ហូបមួយខ្វះមកឱ្យកូនគាត់ តែគេហូបមិនឆ្អែតសោះ។ អា សង្វិត ស្រែកយំកាន់តែខ្លាំងទៅៗធ្វើឱ្យអ្នក ភូមិផ្អើលមកមើលត្រៀបត្រា។ មីង កខ្លាំង រវល់តែធ្វើអាហារឱ្យកូនរហូត អស់អង្គរ។

មីងទ្រាំមិនបានក៏រត់ទៅរកគ្រូពេទ្យទេវតា។ ពេលគ្រូពេទ្យឃើញអា សង្វិត ធំខ្លាំងដូច្នេះ គាត់ក៏ប្រើវេទមន្តរបស់គាត់ "តូចភ្លាមអាកូន សម្លាញ់ ពេលកូនតូច កូនគួរឱ្យស្រឡាញ់ណាស់”។ ពេលនោះអា សង្វិត ក៏តូចបន្តិចម្តងៗ រហូតមីង កង ស្រែកថា "ល្មមហើយៗ”។ អាសង្វិត ក៏មានមាឌដូចកូនគេដទៃទៀតនៅក្នុងភូមិនោះ។

គ្រូពេទ្យនិយាយទៅកាន់មីង កត្តខ្លាំង ថា “វេទមន្តនេះក៏ដូចជាថ្នាំ ពេទ្យដែរ ប្រសិនបើអ្នកប្រើប្រាស់វាហួសកំណត់នោះ អ្នកនឹងទទួល គ្រោះថ្នាក់ជាមិនខានឡើយ។ ចប់

Read more »

Posted in: ព័ត៌មានជាតិ

រឿង ចៅ ចាក់ស្មុគ

រឿង ចៅ ចាក់ស្មុគ៖ ជាឈ្មោះកំលោះកំសត់ទុគ៌ត រស់នៅកំព្រាគ្មានញាតិសន្តាន ប្រកបរបរ ចាក់ស្មុគនិងកន្ត្រកលក់។ ចៅនោះប៉ិនប្រសប់ល្អខាងចាក់ស្មុគនិងកន្ត្រកគ្មាននរណាចេះស្មើ ធ្វើឱ្យអ្នកភូមិពេញចិត្តនិងជួយទិញហូរហែ។

ពេលលក់អស់ គាត់ធ្វើការចាក់ស្មុគជាថ្មីដោយរៀបចំប្រដាប់ប្រដាមានកាំបិតត្នោត បាយ សំណុំទឹកបំពង់ ធ្វើដំណើរទៅឡើងដើមត្នោតលៃមួយនៅក្នុងព្រៃស្ងាត់ ។ រាល់លើកគាត់មិន ដែលហ៊ានចាក់ស្មុគនៅដីទេ ព្រោះខ្លាចគេលបមើលស្គាល់តម្រិះ។

ក្រោមជំនោររំភើយនៃអរុណោទ័យ ចៅនោះអង្គុយផ្អែកលើធាងត្នោតក្បែរគ្រឿងឧបភោគ បរិភោគដែលកល់ទ្រដោយផ្លែត្នោតខ្ចី សំងំចាក់ស្មុគយ៉ាងត្រជាក់ចិត្ត។

លុះចាក់ស្មុគបានច្រើនក៏កើតក្ដីត្រេកអររីករាយនឹកគិតអណ្តែតអណ្តូងតែឯងថា : យក ស្មុគទៅលក់យកលុយទិញមេមាន់ចិញ្ចឹម ដល់យូរទៅមាន់ពង ញាស់ កូនសាយច្រើនឡើងៗ ចាប់មាន់លក់យកលុយទិញកូនជ្រូកម្ដង ដល់កូនជ្រូកធំចាប់វាលក់ទៀតយកប្រាក់ទិញគោ...។ ផលរបរចេះតែកាក់កបឈានឡើងបណ្តើរៗ។

លុះគោធំលក់វាទៀតយកប្រាក់ទិញស្រែចំការទិញផ្ទះនៅជាសុខសប្បាយ។ ពេលធ្វើ ស្រែចំការបានផល លក់ស្រូវ លក់ផ្លែផល្លា បានលុយរៀបការប្រពន្ធស្អាត ដល់នៅយូរទៅ បានកូនប្រុសក្រមាប់មួយទៀត បង្កើនសមាជិកកំដរគ្រួសារឱ្យរីករាយនិងកក់ក្តៅ។

រកទិញខ្ញុំស្រីម្នាក់គ្រាន់ជួយមើលអាម៉ាប់សំណព្វចិត្ត កុំឱ្យនាងប្រពន្ធពិបាកហត់នឿយ តទៅ។ ទាសីត្រូវមើលថែអាម៉ាប់ដោយយកចិត្តទុកដាក់ខ្ពស់ បើវាបីពទ្រកូនមិន អាម៉ាប់ដួលចុះនោះ...នោះ ?

យើងនឹងទះតប់ធាក់ក្បាលវាឱ្យណាណីកុំឱ្យវាធ្លាប់។ ទាំងនេះសុទ្ធតែជាការគិតសាន់វ៉ុណ ពីផលរបរស្មុគនាពេលកំពុងចាក់វានៅលើចុងត្នោតប៉ុណ្ណោះ។ តែ.....

ចៅនោះភ្លើនសតិខឹងនឹងទាសីខ្លាំង គិតឈានទៅដល់ទាត់ធាក់ ក៏យារជើងធ្លាក់មែន ទៅលើធាងត្នោតដោយពេញកម្លាំង ហើយក៏រអិលធ្លាក់ចុះចាកចុងត្នោតទៅ តែចៅនោះ ភ្ញាក់ស្មារតីដឹងខ្លួនទាន់ ក៏ស្រវាចាប់ចុងស្លឹកត្នោតជាប់។

ចៅ ចាក់ស្មុគ នៅយោលតោងកណ្តាលវាល រងទុក្ខវេទនាដោយភ័យនឹងក្តីស្លាប់ ចង់ស្រវាឡើងលើក៏ពុំបាន ព្រោះត្រូវមុតនឹងបន្លាធាងត្នោត ថាបើទម្លាក់ខ្លួនចុះមកដីខ្លះខ្លាច ងាប់ ព្រោះត្នោតនេះលៃខ្ពស់ណាស់។ រឿងហេតុនេះធ្វើឱ្យហ្មដំរីម្នាក់បរកាត់ទីនោះទទួល បានការភ្ញាក់ផ្អើលនឹកអស់សំណើចជាខ្លាំង។

ចៅ ចាក់ស្មុគ ស្រែកអង្វរទៅ ទម៉ក ដំរីថា “ឱលោកបងអើយ មេត្តាជួយដាក់ខ្ញុំបាទ ចុះផង បើខ្ញុំបានរួចអាយុ ខ្ញុំនឹងទៅបំរើលោកបង”។ ឧម៉ក ឮហើយពេញចិត្តនឹងពាក្យសន្យានោះ ក៏បរដំរីទៅឈប់ពីក្រោមដើមត្នោត រួចងើបឈរញញីញញ័រដូចគេរាំទ្វីស ចំអើតជើង បោះដៃទៅលើទទួល។

កាយវិការនេះចៅ ឧម៉ក ខំប្រឹងទប់ខ្លួនឡើងរង្គើកគ្រប់សរសៃដូចគេអង្រន់លើខ្នង ដំរី។ ទើបចាប់បានជើងចៅយោលទោងពុំទាន់ស៊ប់ល្អផង ដំរីក៏ដើរចេញទៅព្រោះស្មានថា ម្ចាស់ឱ្យសញ្ញាចេញដំណើរ។

បុរសទាំងពីរនៅតោងគ្នាជាប់រយោង មើលទៅដូចជាផ្លែឈើពីរធំវែង។ ហ្វូងក្អែកទាំង ឡាយឆ្ងល់នឹងទស្សនីយភាពចម្លែកនោះ ក៏តាំងហើរក្រឡឹងឆាប ហើយស្រែកលាន់ទ្រហឹង។

ចៅ ចាក់ស្មុគ កាន់តែធ្ងន់ខ្លួនទៅៗ ប្រឹងរឹតចុងស្លឹកត្នោតឡើងមុតដៃស្រក់ឈាមតក់ៗ លើក្បាល ចៅ ទម័ក អង្វរឱ្យ ទម័ក លែងជើងគាត់ចេញព្រោះគាត់អស់កំលាំងណាស់ហើយ អង្វររួច បែរជេរប្រទេចស្ដោះទឹកមាត់ដាក់ក្បាលជាច្រើនដងទៀត។ ឧម៉ក ពុំតបតថែមទាំង អង្វរវិញថា “ចូរអ្នកចាប់ចុងស្លឹកត្នោតឱ្យជាប់កុំលែងដៃអី បើខ្ញុំរួចជីវិតម្តងនេះទេ ខ្ញុំនឹងទទួលគុណអ្នក ដាក់លើក្បាលនិងទៅនៅជាខ្ញុំបំរើអ្នកហោង ” ។

ពេលនោះលេចតា ទំពែក បួននាក់ធ្វើដំណើរមកដល់។ ចៅយោលទោងទាំងពីរក៏ស្តី អង្វរទៅថា "លោកអុំ លោកមាអើយជួយយកអាយុខ្ញុំបាទផង បើខ្ញុំបាទបានរួចជីវិតហើយ នឹងទៅនៅជាខ្ញុំបំរើលោក”។ ទំពែក ឮដូច្នោះមានចិត្តត្រេកអរណាស់ ព្រោះសមនឹងបំ ណងកំពុងដើររកទាសាស្រាប់ តែមិនដឹងថាតើជួយដូចម្ដេចបាន?

ស្តាប់បាននូវការពន្យល់ពីចៅទាំងពីរ តា ទំពែក យកអណ្ដូងមកកាងជារាង៤ជ្រុង ហើយ យកចុងខ្សែចងព័ន្ធករៀងៗខ្លួនដើម្បីឱ្យជាប់មាំល្អ ថាបើឱ្យគាត់កាន់អណ្តូងនៅដៃដូចចៅនោះប្រាប់ ខ្លាចកាន់របូត។ លុះរៀបរ័យរួចហើយ ក៏ហៅចៅទាំងពីរឱ្យទម្លាក់ខ្លួនចុះព្រមគ្នាមួយរំពេច។

ទម្ងន់មនុស្សពីរនាក់បានកន្ត្រាក់ក្បាល ទំពែក ទាំងបួនឱ្យរត់បុកគ្នាលាន់ភូស ធ្វើឱ្យបែក ក្បាលធ្លាយខួរដល់នូវមរណកាលគ្រានោះទៅ។ ចៅ ចាក់ស្មុគ និង ឧម៉ក បានចាត់ចែង កប់សពតា ទំពែក ទាំងបួននៅទីព្រៃនោះហើយសំពះស្មាលាទោសតាមទំនៀម រួចក៏បែក គ្នាទៅកាន់លំនៅរៀងៗខ្លួនហោង។

Read more »

ឯកឧត្តម ហ៊ុន ម៉ាណែត អញ្ជើញថ្លែងក្នុងពិធីប្រកាសសមាសភាពក្រុមការងារយុវជនគណបក្សខេត្តព្រះវិហារ

ថ្ងៃទី២០ ខែកុម្ភៈ ឆ្នាំ២០២២ ឯកឧត្តម ហ៊ុន ម៉ាណែត សមាជិកគណៈអចិន្ត្រៃយ៍នៃគណៈកម្មាធិការកណ្តាល និងជាប្រធានយុវជនគណបក្សប្រជាជនកម្ពុជាថ្នាក់កណ្តាល ថ្លែងក្នុងពិធីប្រកាសសមាសភាពក្រុមការងារយុវជនគណបក្សខេត្តព្រះវិហារ ។ នាឱកាសនោះ ឯកឧត្តម ហ៊ុន ម៉ាណែត បានមានប្រសាសន៍ថា សម្តេចតេជោហ៊ុន សែន ថ្នាក់ដឹកនាំ និងសមាជិក សមាជិកាគណបក្សប្រជាជនកម្ពុជា បានដឹកនាំកសាងប្រទេសកម្ពុជាឲ្យចេញពីស្ថានភាពក្រីក្រលំបាកខ្វះខាត ហើយកាលនោះ មជ្ឈដ្ឋានអន្តរជាតិបានល្បីថាកម្ពុជាជាតំបន់អសន្តិសុខ ជាចម្ការមីនដែលពួកគេភ័យខ្លាច តែឥទ្បូវត្រូវបានប្រែក្លាយមកជាសម្បូរសប្បាយ ជាកោះសន្តិភាព និងជាប្រទេសដែលទទួលបានប្រជាប្រិយភាពទាំងក្នុង

តំបន់ និងសាកលលោក។ ក្នុងន័យនេះ យុវជនដែលជាកម្លាំស្នូល និងជាកម្លាំងបន្តវេនរបស់បក្ស មានភារកិច្ចចូលរួមចំណែកធានានិរន្តរភាពនៃការដឹកនាំប្រទេស ដោយត្រូវខិតខំបំពេញការងារដោយប្រកាន់ខ្ជាប់នូវឧត្តមគតិស្នេហាជាតិ តម្កល់ឧត្តមប្រយោជន៍ជាតិជាធំ និងហ៊ានធ្វើពលិកម្មគ្រប់បែបយ៉ាងដើម្បីសន្តិភាព ស្ថិរភាព និងសេចក្តីសុខសាន្តរបស់ប្រជាជន ក៏ដូចជាការរួបរួមប្រមូលផ្តុំកម្លាំងមហាសាមគ្គី ដើម្បីកសាង និងអភិវឌ្ឍជាតិឱ្យរុងរឿងទៅមុខ។ ឯកឧត្តម ហ៊ុន ម៉ាណែត បានបន្ថែមថា យុវជនជាកោសិកាបន្តវេន ដែលគណបក្សប្រជាជនកម្ពុជាបានយកចិត្តទុកដាក់រៀបចំថ្នាល ថែទាំ និងកសាងសមត្ថភាពជាប់ជាប្រចាំ និងតាំងតែពីដើមរៀងមក ដើម្បីធានាបាននូវនិរន្តភាព និងឧត្តមភាពនៃការដឹកនាំ និងការចូលរួមបំពេញភារកិច្ចរបស់គណបក្សលើគ្រប់កិច្ចការសង្គម-

នយោបាយ ក្នុងបុព្វហេតុបម្រើជាតិ មាតុភូមិ និងប្រជាជន ពីមួយជំនាន់ទៅមួយជំនាន់។ ដូច្នេះ ក្នុងនាមជាយុវជនជំនាន់ក្រោយ យើងមានភារកិច្ច ០៣ សំខាន់ គឺ បន្តថែរក្សាសមិទ្ធផលរបស់ថ្នាក់ដឹកនាំជំនាន់មុន កសាងសមិទ្ធផលវិជ្ជមានថ្មីៗបន្ថែមទៀតក្នុងពេលបច្ចុប្បន្ន និងរៀបចំមូលដ្ឋានគ្រឹះរឹងមាំ សម្រាប់អ្នកជំនាន់ក្រោយ។ ឯកឧត្តម បានបន្តថា គុណធម៌របស់សមាជិកបក្សម្នាក់ៗ គឺជាកត្តាជោគជ័យរបស់បក្សយើង ហើយទោះក្នុងរូបភាពជាក្រុម ឬជាបុគ្គល យើងត្រូវបន្តធ្វើអំពើល្អ បម្រើប្រជាជន ស្មោះត្រង់ជាមួយប្រជាជន និងនៅជាមួយប្រជាជនគ្រប់កាលៈទេសៈ។ ទន្ទឹមនេះ ការចូលរួម

ចំណែកផ្សព្វផ្សាយ និងចែករំលែកស្នាដៃ និងសមិទ្ធផលនានារបស់បក្ស ក៏ដូចជារបស់ថ្នាក់ដឹកនាំ និងសមាជិកបក្ស ក៏ជាកិច្ចការសំខាន់របស់យុវជនផងដែរ ដើម្បីធ្វើយ៉ាងឱ្យប្រជាជនយើងអាចសម្រេចចិត្តបានត្រឹមត្រូវដោយបន្តផ្តល់ទំនុកចិត្ត និងបោះឆ្នោតជូនគណបក្សប្រជាជនកម្ពុជា បន្តដឹកនាំនាវាកម្ពុជាឆ្ពោះទៅរកវឌ្ឍនភាព និងនិរន្តរភាពនៃសន្តិភាព សម្រាប់អ្នកជំនាន់ក្រោយ ដូចប្រសាសន៍សម្តេចតេជោប្រធានគណបក្ស”គ្រប់កាលៈទេសៈណាក៏ដោយ គណបក្សប្រជាជនត្រូវតែឈ្នះ ដើម្បីបន្តដឹកនាំប្រទេស ថែរក្សាសុខសន្តិភាព និងការអភិវឌ្ឍរាប់សិបឆ្នាំតទៅមុខទៀត”។

 

Read more »

Posted in: ព័ត៌មានជាតិ,អន្តរជាតិ

អ្នកភូមិបង្កោង នៅតែបន្តប្រតិបត្តិយ៉ាងខ្ជាប់ខ្ជួននូវទំនៀមទម្លាប់ចាប់ត្រីរួមគ្នា ដើម្បីយកមកធ្វើម្ហូបក្នុងពិធីឡើងមាឃ

 

សៀមរាប; ថ្ងៃទី២១ ខែកុម្ភៈ ឆ្នាំ២០២២ ជារៀងរាល់ឆ្នាំឱ្យតែដល់ខែមាឃ អ្នកភូមិបង្កោង ឃុំអំពិល ស្រុកប្រាសាទបាគង ខេត្តសៀមរាប តែងតែនាំគ្នាប្រារព្ធពិធីរកត្រី ដើម្បីត្រៀមឡើងមាឃ ឬឡើងអ្នកតាតាម ទំនៀមទម្លាប់របស់ប្រជាពលរដ្ឋនៅក្នុងតំបន់មិនដែលខកខាន។​ពិធីនេះបានធ្វើឡើងនៅត្រពាំងបឹង ដែលសហគមន៍បានអភិរក្សទុកមិនឱ្យមាន ការលួចនេសាទឡើយ គឺរហូតដល់មានការណាត់គ្នាពីលោកមេភូមិថា កំណត់ថ្ងៃណា មួយដើម្បីនេសាទ ទើបអ្នកភូមិនាំគ្នាទៅរកត្រីបាន។​លោក ពេជ្រ ឃិន មេភូមិបង្កោង បានឱ្យដឹងថា ដោយសារឆ្នាំ២០២២នេះស្ថានភាពទឹក ក្នុងត្រពាំងបឹង មានសភាពច្រើន ទើបគណៈកម្មាការសម្រេចកំណត់យកថ្ងៃទី២១ ខែកុម្ភៈនេះ ជាថ្ងៃរួមគ្នាចាប់ត្រី ដើម្បីប្រារព្ធពិធីឡើងមាឃ។

លោកបន្តថា ប្រជាពលរដ្ឋប្រមាណ ៣៤៧គ្រួសារ រស់នៅក្នុងភូមិបង្កោងនេះ បានមកជួបជុំគ្នាតាំងព្រលឹមស្រាងៗ ដោយមានភ្ជាប់ មកជានូវឧបករណ៍ពីបុរាណមាន ឈ្នាង អង្រុត និងសំណាញ់ជាដើម ដើម្បីត្រៀមចុះចាប់ ត្រីរួមគ្នា ក្រោយពេលគណៈកម្មាការប្រកាសមេក្រូ និងបាញ់កាំជ្រួចជាសញ្ញា។​លោកបន្តទៀតថា ជាមធ្យមក្នុងមួយឆ្នាំៗទិន្នផលត្រីដែលអ្នកភូមិចាប់បាន មិនតិច ជាង១០០គីឡូក្រាម ប៉ុន្តែសម្រាប់ឆ្នាំនេះ ទិន្នផលត្រីអាចមានការកើនឡើងជាងរាល់ឆ្នាំ ព្រោះគណៈកម្មាការភូមិ តែងតែរួមគ្នាអភិរក្សទុក មិនឱ្យមានការលួចនេសាទឡើយខុស ច្បាប់ឡើយ។​

លោក ភ័ក្រ ភ័ណ្ឌ ប្រជាពលរដ្ឋរស់នៅភូមិបង្កោង បានឱ្យដឹងថា ជារៀងរាល់ឆ្នាំ មិនដែលខកខានមួយឆ្នាំណាឡើយ បងប្អូននៅក្នុងភូមិទាំងអស់ តែងតែប្រារព្ធពិធីចាប់ត្រី រួមគ្នានៅក្នុងត្រពាំងអភិរក្សនេះ ដោយក្តីសប្បាយរីករាយ ដើម្បីយកត្រីដែលបង់បាន មក ធ្វើជាទឹកសម្លរ នំបញ្ចុក និងម្ហូបអាហារផ្សេងៗដើម្បីប្រារព្ធ ពិធីបុណ្យភូមិ ឬពិធីឡើងមាឃរួម គ្នា។ លោកបន្តថា អ្នកភូមិដែលមកនេសាទទាំងអស់ មិនផ្តោតតែលើរកត្រី មួយមុខនោះទេ គឺមកជួបជុំ សប្បាយរីករាយ និងបង្ហាញសាមគ្គីភាពកាន់តែស្និទ្ធស្នាល រវាងប្រជាជននៅក្នុង ភូមិថែមទៀតផង។​សូមបញ្ជាក់ថា តំបន់រមណីយដ្ឋានអង្គរ ជាតំបន់បេតិកភណ្ឌរស់ដែលសម្បូរទៅដោយ មរតកអរូបីជាច្រើន ហើយត្រូវបានអ្នករស់នៅក្នុងតំបន់អង្គរបន្តប្រតិបត្តិយ៉ាងខ្ជាប់ខ្ជួន រហូតមកដល់បច្ចុប្បន្ន។

ពិធីបុណ្យឡើងមាឃ ឬបុណ្យឡើងអ្នកតា ក៏ជាទំនៀម ទម្លាប់ប្រពៃណីមួយក្នុងចំណោមបេតិកភណ្ឌអរូបីជាច្រើន អ្នករស់នៅតំបន់អង្គរ តែងតែបានប្រតិបត្តិ៕

Read more »

Posted in: ព័ត៌មានជាតិ,អន្តរជាតិ

ឯកឧត្តម ឃួង ស្រេង អញ្ជើញជាអធិបតី ពិធីក្រុងពលី បើកការដ្ឋានសាងសង់ស្ថានីយ៍ប្រព្រឹត្តកម្មទឹកកខ្វក់ជើងឯក នៃគម្រោងអភិវឌ្ឍន៍ប្រព័ន្ធបង្ហូរទឹកកខ្វក់ ក្នុងរាជធានីភ្នំពេញ

 

ភ្នំពេញ :ថ្ងៃទី២១ ខែកុម្ភៈ ឆ្នាំ២០២២  ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ និងលោកជំទាវ អញ្ជើញជាអធិបតី ពិធីក្រុងពលី បើកការដ្ឋានសាងសង់ស្ថានីយ៍ប្រព្រឹត្តកម្មទឹកកខ្វក់ជើងឯក នៃគម្រោងអភិវឌ្ឍន៍ប្រព័ន្ធបង្ហូរទឹកកខ្វក់ ក្នុងរាជធានីភ្នំពេញ ក្រោមហិរញ្ញប្បទានសហប្រតិបត្តិការឥតសំណងរបស់រដ្ឋាភិបាលជប៉ុន នារសៀលថ្ងៃទី២១ ខែកុម្ភៈ ឆ្នាំ២០២២ ដែលមានការចូលរួមពីសំណាក់អស់លោក លោកស្រីជាមន្ត្រី អាជ្ញាធរដែនដី និងប្រជាពលរដ្ឋជាច្រើននៅក្នុងភូមិទួលរកា១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

រូបថត៖ អុក សុខខឿន

Read more »

Posted in: ព័ត៌មានជាតិ,ព័ត៌មានអន្តរជាតិ

រដ្ឋមន្រ្តីសុខាភិបាលថា មន្ទីរពិសោធន៍ថ្មីនៅពេទ្យបង្អែកខេត្តសៀមរាបអាចធ្វើតេស្តរកមេរោគកូវីដ-១៩បានក្នុង១ថ្ងៃបានពី៩០០ទៅ១ ០០០នាក់

សៀមរាប: ថ្ងៃទី២៣ ខែសីហា ឆ្នាំ២០២១ នៅក្នុងឱកាសចុះពិនិត្យមើលដំណើរការមន្ទីរពិសោធន៍ថ្មីនៅពេទ្យបង្អែកខេត្តសៀមរាប នៅថ្ងៃ១៤កើត ខែស្រាពណ៍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃអាទិត្យ ទី២២ ខែសីហា ឆ្នាំ២០២១ ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្រ្តីក្រសួង​សុខាភិបាល បាន​ឱ្យដឹងថា កន្លងមកនេះនៅមន្ទីរពេទ្យបង្អែកខេត្តសៀមរាប មានមន្ទីរពិសោធន៍ខ្នាតតូចហើយ ប៉ុន្តែការធ្វើតេស្តរកមេរោគកូវីដ-១៩បានចំនួនតិច។ ឥឡូវនេះបានសាងសង់មន្ទីរពិសោធន៍ថ្មី ដែលមានលទ្ធភាពអាចធ្វើតេស្តរកមេរោគកូវីដ-១៩ បានក្នុង១ថ្ងៃពី៩០០ទៅ ១ ០០០នាក់ ដែលកត្តាទាំងនេះ អាចធ្វើឱ្យយើងធ្វើការងារបានលឿន ក្នុងគោលដៅរួមចំណែកទប់ស្កាត់ការឆ្លងរីករាលដាលនៃមេរោគកូវីដ-១៩ ក្នុងសហគន៍ផងដែរ។​ ឯកឧត្តមរដ្ឋមន្រ្តីបានបន្តថា បច្ចុប្បន្នមន្ទីរពិសោធន៍ថ្មីនេះ ធ្វើតេស្តរកមេរោគកូវីដ-១៩បានតែមេរោគកូវីដធម្មតានៅឡើយទេ សម្រាប់មេរោគកូវីដប្រភេទដែលតា (Delta) មិនទាន់អាចធ្វើបានទេ។ ប៉ុន្តែក្រសួងសុខាភិបាល និងបំពាក់ម៉ាស៊ីនសម្រាប់ធ្វើតេស្តរកមេរោគកូវIដប្រភេទដែលតា នៅក្នុងមន្ទីរពិសោធន៍នេះនាពេលខាងមុខ ដើម្បីឱ្យមានភាពងាយស្រួលក្នុងការធ្វើតេស្តរកមេរោគកូវីដ-១៩បំប្លែងថ្មីប្រភេទដែលតានេះ បានលឿន ដោយមិនពិបាកបញ្ជូនទៅឆ្ងាយ។​ សូមបញ្ជាក់ថា គិតត្រឹមថ្ងៃទី២១ ខែសីហា ឆ្នាំ២០២១ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន ៧ ០២៤នាក់ ព្យាបាលជាសះស្បើយចំនួន ៥ ៥៥៩នាក់ ស្លាប់៧៥នាក់ និង ១ ៣៩០នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ និងវិក្រឹតការខេត្ត វិទ្យាល័យអង្គរ វិទ្យាល័យ ហ៊ុន សែន វត្តស្វាយ វិទ្យាល័យក្រឡាញ់ វិទ្យាល័យចំណេះដឹងទូទៅ និងបច្ចេកទេសពួក និងវិទ្យាល័យដំដែក៕

 

ដោយ ឃុត សៅ

Read more »

Posted in: ព័ត៌មានជាតិ,ព័ត៌មានអន្តរជាតិ

ក្រុមការងារខេត្ត ចុះជួយសង្កាត់ស្រង៉ែក្រុងសៀមរាប ចុះពិនិត្យ និងលើកទឹកចិត្ត​ដល់សកម្មភាពការចាក់វ៉ាក់សាំងបង្ការជំងឺកូវីដ-១៩ ដូសទី២ ជូនប្រជាពលរដ្ឋ ក្នុងនៅសាលាបឋមសិក្សាព្រៃធំ សង្កាត់ស្រង៉ែ !

សៀមរាប៖ នៅព្រឹកថ្ងៃទី២ ខែសីហា ឆ្នាំ២០២១នេះ លោកឧកញ៉ា ហ៊ុយ ភៀវ ប្រធានសភាពាណិជ្ជកម្មមណ្ឌលសៀមរាប .ឧត្តរមានជ័យ និងជាប្រធានក្រុមការងារខេត្តចុះជួយមូលដ្ឋានសង្កាត់ស្រង៉ែ ក្រុងសៀមរាប បានអញ្ជើញចុះពិនិត្យ និងលើកទឹកចិត្តដល់សកម្មភាពការចាក់វ៉ាក់សាំងបង្ការជំងឺកូវីដ-១៩ ដូសទី២ ជូនប្រជាពលរដ្ឋ ព្រមទាំងសាកសួរសុខទុក្ខបងប្អូនប្រជាពលរដ្ឋ និងក្រុមគ្រូពេទ្យក្នុងនៅមណ្ឌលសាលាបឋមសិក្សាព្រៃធំ សង្កាត់ស្រង៉ែ ។

ក្នុងឱកាសនោះលោកឧកញ៉ា ហ៊ុយ ភៀវ បានមានប្រសាសន៍ថា" សម្ដេចតេជោ ហ៊ុន សែន មិនត្រឹមតែស្វែងរកសុខសន្តិភាពជូនជាតិមាតុភូមិប៉ុណ្ណោះទេ ថែមទាំងជួយសង្រ្គោះអាយុជីវិតប្រជាពលរដ្ឋកម្ពុជា ឲ្យរួចផុតជំងឺកូវីដ-១៩ទៀតផង។ ក្នុងនោះតាមរយ:ការស្វែងរកវ៉ាក់សាំងមកចាក់ជូនប្រជាពលរដ្ឋបានជាបន្តបន្ទាប់ "។ វ៉ាក់សាំងដែលត្រូវចាក់នាពេលនេះ គឺជាប្រភេទវ៉ាក់សាំង Sinopharm ដែលជាអំណោយដ៏ថ្លៃថ្លារបស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាប្រមុខដឹកនាំ នឹងចាក់ជូនបងប្អូនប្រជាពលរដ្ឋគ្រប់ៗគ្នា ដោយឥតគិតថ្លៃ។

លោកបានបន្តទៀតថា សម្តេចតេជោ នាយករដ្ឋមន្ត្រី តែងតែយកចិត្តទុកដាក់ខ្ពស់ ចំពោះសុខមាលភាពរបស់បងប្អូនប្រជាពលរដ្ឋកម្ពុជា ជាពិសេសការទប់ស្កាត់ការរីករាលដាលជំងឺឆ្លងកូវីដ-១៩ ដោយខិតខំប្រឹងប្រែងស្វែងរកវ៉ាក់សាំង បង្ការចាក់ជូនប្រជាពលរដ្ឋឲ្យបានគ្រប់ៗគ្នា និងដោយឥតគិតថ្លៃ ដែល " វ៉ាក់សាំងសម្តេចតេជោ គឺជាវ៉ាក់សាំងជីវិត" ដើម្បីជួយបងប្អូនអោយរួចផុតពីជំងឺចង្រៃនេះ។ នៅឱកាសចុះត្រួតពិនិត្យនោះដែរ លោកឧកញ៉ា ហ៊ុយ ភៀវ ក៏បាននាំយកបាននាំយកអំណោយផ្ទាល់ខ្លួន រួមជាមួយអំណោយរបស់សប្បុរសជនផងដែរ ដែលមានដូចជា៖ ទឹកសុទ្ធ ២០០យួរ (សប្បុរសជន ១០០យួរ), ទឹកបរិសុទ្ធ វីតាល់ ៣០កេស (សប្បុរសជន ២០កេស) និងអាល់កុល ៦០លីត្រ ( ២កាន)។ ក្នុងនោះ ធ្វើការប្រគល់ជូនដល់ក្រុមការងារសង្កាត់ស្រង៉ែ ៖ ទឹកសុទ្ធ ២០០យួរ ទឹកបរិសុទ្ធ វីតាល់ ១០កេស និងអាល់កុល ៣០លីត្រ (១ កាន) ចំពោះក្រុមគ្រូពេទ្យយុទ្ធភូមិភាគ ៤ ទទួលបាន៖ ទឹកបរិសុទ្ធ វីតាល់ ២០ កេស, អាល់កុល ៣០លីត្រ (១កាន)។

លោកឧកញ៉ា ក៏បានធ្វើការណែនាំដល់បងប្អូនប្រជាពលរដ្ឋទាំងអស់ ដែលបានមកធ្វើការចាក់វ៉ាក់សាំង សូមចូលរួមអនុវត្តរក្សាគម្លាត សណ្តាប់ធ្នាប់ សូមកុំប្រជៀត និងដណ្តើមគ្នា គឺត្រូវតែបន្តបង្កើនការប្រុងប្រយ័ត្នខ្ពស់នឹងយកចិត្តទុកដាក់បន្ថែមទៀតដោយចូលរួមអនុវត្តតាមវិធានការណែនាំរបស់ប្រមុខរាជរដ្ឋាភិបាល ៣ការពារ ៣កុំ ឱ្យបានខ្ជាប់ខ្ជួន ៕ ដោយ៖ មន្ទីរព័ត៌មានខេត្តសៀមរាប សម្រួលផ្សាយដោយ៖ ធូ កុសល

Read more »

Posted in: ព័ត៌មានជាតិ